مصطلحاتنا الشاميه

عاشق سوريا: تاريخ الميلاد : 21/11/1989
تاريخ التسجيل : 19/01/2010

مساهمة رقم 1

مصطلحاتنا الشاميه

من طرف عاشق سوريا 14/4/2010, 1:59 am

صباح ومساء الخير
الصراحه ومن غير لف ودوران مصطلحاتنا الشاميه اللي هي غير شكل
جبتلكن ياها اليوم للأيضاح للي ما بيعرفها يعرف شو منئصد فيها

ملحو على ديلو
يعني لا يقيم وزناً للعشرة والخبز والملح
مو بس هيك منكون خوش بوش وبيطلع من بابا الحاره نسي كل شي

يلي بالي بالك
يعني الشغله مقصوده او شيفره متل ما بيقولو

معصمص
يعني عم ياكل من زيت الجامع
او يعني على اد مو نحيف عضامو بارزه

يا أيدكم
تعبير عن الهرب من شيء ما بسرعة

زمق
أي هرب ببراعة وحذق، وزمط شرحو

· سرّي مرّي
أي جيئة وذهاباً بشكل متكرر إلى حد الغلاظة وتتبعها أحياناً أو تنوب عنها (خدني جيتك) و(كيلي ميلي)

· حط بالخرج
أي لا تعبأ بما يقال

شاضومة
تعبير مؤنث لا مذكر له يفيد كون المرأة غير مرتبة وليست من الأكابر وتحب الكلام غير المنمق وكثرته

شرنه
نفس شاضومه

· على قفا مين يشيل
كناية عن كثرة الشيء وشيوعه

· مأنّف
يعني لا يعجبه العجب ولا الصيام برجب

· فش نيعو
يعني انتقم منه شر انتقام وهي بالحلبي: يفشر حنكو

· أزّت نفسو
أي نفر من الشيء نفوراً كأنه رأى صرصوراً

· جفص
صفة للجلف غليظ الروح

· حنتر
أي "تيّس" و"بوزم" في الوقت نفسه

· طلع من عيونو عامص
يعني دفع ثمناً غالياً وندم

· كل طلقة براحة
كل طلئه براحه
أي يقوم بالشيء رويداً رويداً بين الفينة والأخرى

· يلي بدو يموت يوصّيك بولادو
ذم بصيغة المدح يعني أن المذكور غير أهل لحمل المسؤولية

· على كراريت حلقو
يعني مصاب بغثيان شديد وإقياء لا يستطيع كبحه لا بحلال ولا بحرام

· لا تكرّك عليه
يعني لا تلح عليه إصراراً

· قلبه عميقول حق بق (كما قلنا أن القاف تقرأ ء)
حئ بئ
يعني أنه يريد أمراً بشدّة لكنه يضمره إضماراً ولا يظهره إظهاراً ( مشان ما يزعل سيبويه)

· لحم السير عالقبقاب وصاروا المبغضين صحاب
مبينه وما بدها شرح

· يلي بيجي منمدلّه فرشة ويلي ما بيجي منرتاح من وشه
مثل نسائي بحت يفيد عدم الترحيب بأشخاص معينين ما عم يجوا أصلاً
تابع اللي بيجي عيني واللي ما بيجي عينتيني

· شو هالتجرة
يعني الأفندي ما عجبته هالحكاية كلها وحاسس إنو تعبو ذهب سدى أو أدراج الرياح (كمان مشان سيبويه الله يرحموا)

· وحياة خالقك ماني مفارقك
وحياة خالئك مني مفارئك
تعبير يفيد غلاظة المتكلم وتغالظه على المتكلم عنه ويتبعه عادة: مومحبة فيك بس بدي دايئك

· العين الطرّاءة
عبارة عن التمسخر على المتكلم عنه وأن لا شيء فيه بينحسد عليه

· بيقطش وبيلحش
بتئطش وبتلحش
يعني المهذار كثير الهفوات ومن يهرف بما لا يعرف ولسانه يسبق عقله

· ولي على كسرتو
تعبير يفيد التحسّر على شخص ما مع لومه على ما فعل (في تناقض، مهيك؟)

· كـــــــن
بكسر الكاف وتسكين النون يعني اهدأ أحسنلك

· كروج
يعني درمل، وبتعبير أفصح افرنقع من هنا، وادحال مثلها
وزحط كمان

· فــزعلى حيلك
كمان بكسر الفاء يعني قوم (أوقف وانت بتكلمني)

· جماش
أي همجٌ رعاع

· مصطهج
يعني مسلطن، مكيّف، مبسوط أو كما قال سيبويه: منتشي

· أفعت معو
يعني حمل القشة التي قصمت ظهر البعير وبلغ السيل الذبى

· مو نفعان لا للخل ولا للخردل
يعني بلا فائدة تذكر، وأحياناً بقولو من نافع لألله بنافعة

· لاطيلو
يعني كمن له منتظراً ومنها المتل القائل: "قلّو لاطيلك قلّو صاحيلك" يعني هدول تنين ناويين عالشر لبعض وكل واحد منتبه للتاني بس بدون كبريته ليشعلو

· ما فيه الوتكة
يعني صاغ سليم خالي من العيوب وأحياناً يعني فاضي

· ما معو نكله
مفلّس وحالو عدم

· أول باشتان.....ثاني باشتان
طريقة النسوان في تعداد الأمور والأوامر والأسباب والمسببات

· بظّت عيونو
يعني جحظت العينان حتى كادت المقلتان تخرجان من محجريهما (على طريقة الجاحظ)

· سك
حقيبة تقليدية تصنع من قماش (مستعمل عادة) تستعمل للتسوق وخصوصاً من سوق الجمعة

· نازل عالمدينة (أو رايح عالشام)
يعني رايح عالسوق التحتاني، سوق الحميديه وتوابعه

· خسكار
كمية من العمل المقرر ليوم واحد أو بضاعة معدّة للبيع ضمن اليوم

· من دهنو سئّيلو
تعبير يفيد الكحتنة والجرب وصرف النقود على الشخص أو الشيء بعد أخذها منه دون التكلف عليه بقرش

· ما صرلو بالأصر إلا مبارح العصر
يعني أنه جديد على أمر ما
وأجا من البريه وأخد الاوليه لنفس الموضوع

· ولاد آدو
يعني المشكلجية والعونطجية وولادين الحرام (يالطيف الله يبعدون عنا وعنكن أولو آمين)

· سبرتاكو
القطعة الصغيرة التي تكون مسمّرة في كعب الكندرة النسائية من الأسفل (وبتطلع عند أول لبسة بالكنادر الوطنية)

· قراضة
يعني نوع عاشر، شي تعبان بنوب (متل الكنادر المذكورة آنفاً والمسمّاة عند البعض: بضاعة لا حول)

· متمسح
يعني واحد متبلد المشاعر والأحاسيس متل التمساح بفرد شكل (وبمعنى آخر: لا الحر بحرّو ولا البرد بضرّو)

· كل ما حدو بيت السلطان خيلهن بتمد الخنفسة رجلها
مثل شعبي يقال كناية لمن يحب الاشتراك دوماً في أمور لا ناقة له فيها ولا جمل، ولا فهم ولا علم له بها وهو يعتقد أن له ما للآخرين

· اندفس
أي: نام أحسنلك، انقبر

· تكورت
متل تدولق، فعل يفيد تناول الطعام، وتزهرم مثله أيضاً

· من بيت شقاع لبيت رقاع (وهي تقرأ كالعادة: من بيت شآع لبيت رآع)
تعبير نسواني عن المرأة الش=D